வலங்கைமான் பாடைகாவடி திருவிழா

வலங்கைமான் பாடைகாவடி திருவிழா

கும்பகோணம் அருகே பத்து கிலோமீட்டரில் மன்னார்குடி செல்லும் வழியில் உள்ளது வலங்கைமான் என்ற ஊர் .

இந்த ஊரில் மகா மாரியம்மன் கோவில் அமைந்துள்ளது.

மிகுந்த புகழ் வாய்ந்த ஸ்தலம் இது. பங்குனி மாதம் இரண்டாம் ஞாயிறு அன்று பாடை காவடி திருவிழா இங்கு புகழ் வாய்ந்த ஒன்றாகும்.

இந்த கோயிலின் சிறப்பு என்னவெனில் உடல் நலம் சரியில்லாதவர்கள்அம்மனிடம் வேண்டி கொண்டு ,தாங்கள் வேண்டியது நிறைவேறியவுடன் பாடை காவடி எடுத்து ஈமக்ரியை செய்வது போல் உறவினர்கள் கொல்லி சட்டி ஏந்தி கொட்டு மேளம் கொட்டி வர ஆலயத்தை வலம் வந்து அம்மன் சன்னிதானம் முன் தாங்கள் நேர்த்திகடனை நிறைவேற்றுகின்றனர். மிக பிரசித்தி பெற்ற இத் திருவிழாவை காணும் வாய்ப்பு எங்கள் குடும்பதிற்கு கிடைத்தது.

திருவிழாவில் முதல் நாள் மாலையிலிருந்து மக்கள் வெள்ளம் போல் திரண்டு வந்திருந்தனர் இரவு முழுக்க சாலையோரம் முழுதும் இரு புறமும் கடை வீதிகள் அமைத்து எங்கும் மக்கள் வெள்ளம் நிறைந்திருந்தது கண் கொள்ளா காட்சியாக இருந்தது .ஞாயிறு அன்று அவ்வளவு வெயிலிலும் மக்கள் வெள்ளம் நிறைந்திருந்தது பக்தி பரவசமாய் இருந்தது.

நாங்கள் கோவில் சென்றிருந்த போது ஒலிபெருக்கியில் உலகம் சமநிலை பெற வேண்டும் உயர்வு தாழ்வில்லா நிலை வேண்டும் என்ற பாடல் வரிகள் கேட்டேன் அதையே நாமும் வேண்டுவோம் நான் எடுத்த சில படங்களை இங்கு தந்திருக்கிறேன் இரவு இரண்டு மணி கோவில் சன்னிதானம் முன் பக்தர் வெள்ளம்

தொடர்ந்து வரும் பாடை காவடி

பாடை காவடி எடுத்து வரும் பக்தர்கள்

வலங்கைமான் மகா மாரியம்மனின் அருள் அனைவர்க்கும் கிடைக்கட்டும்

ஆர்.வி.சரவணன்

மனமெனும் வாக்கு

மனமெனும் வாக்கு

அன்று

வேட்பாளனாய் என் மனமெனும் வாக்கு கேட்டு வந்தாய்

வாக்காளனாய் நானும் எனையே தந்தேன்

இன்று

லஞ்சம் என்ற செல்வந்தனோடு நீ

வாக்களித்தவர்களின் கதியாய் நான்

என் கல்லூரி நாட்களில் நான் எழுதிய கவிதை இது சென்ற வருடம் என்வழி வலைத்தளத்தில் வெளியானது நன்றி வினோ

ஆர்.வி.சரவணன்

இன்று பிறந்தநாள்

இன்று பிறந்தநாள்

நமது குடந்தையூர் தளத்திற்கு

(ஆம் சென்ற வருடம் மார்ச் மாதம் 20 ஆம் தேதி தான் நான் இந்த தளம் ஆரம்பித்தேன்)

எல்லோரும் குடந்தையூர் தளத்திற்கு வாழ்த்து சொல்லுங்க கேக் எடுத்துக்குங்க

******

பெயர் காரணம்
தோழி பிரியா (என் மனதில் இருந்து ) அவர்கள் பெயர் காரணம் பற்றிய தொடர் பதிவுக்கு அழைத்திருந்தார். அவருக்கு என் நன்றி (ஒரு பதிவு எழுத விஷயம் கிடைச்சிடுச்சு)

சரவணன் என்ற இந்த பெயர் ஒன்றும் கோயிலில் ஆயிரம் பேருக்கு சாப்பாடு எல்லாம் போட்டு வச்ச பெயர் இல்லை. என் வீட்டில் கேட்ட போது கடவுள் முருகன் மேல் கொண்ட பக்தியால் வச்ச பேர் என்று என் தாய் சொன்னார்கள் .

வீடு

வீட்டில் என்னை சரவணா என்று தான் அழைப்பார்கள் செல்ல பேர் எல்லாம் கிடையாது
கல்லூரி
ஆனால் பாருங்க என் கல்லுரி நாட்களில் நான் என் பெயர் ஸ்டைலிஷ் ஆக இருந்தா நல்லா இருக்குமே என்று ரொம்ப பீல் பண்ணேன் சினிமாவுலே போய் பெரிய இயக்குனரா ஆகணும் னு ஆசை அதனாலே புனை பெயராக நான் என் பெயருக்கு முன் பாரதி சேர்த்து பாரதி சரவணன் என்று வைத்து கொண்டேன் . கல்லுரி மாணவர்கள் நடத்திய சிறு பத்திரிகையில் என் கவிதை பாரதி சரவணன் என்ற பெயரிலேயே வெளியானது நாடகம் பத்திரிகைகளுக்கு அந்த பெயரிலேயே அனுப்பினேன்.

ஆனா பாருங்க நான் இந்த மாதிரி சினிமா டிராமா என்று இருந்ததால் வீட்டில் என்னை எல்லோரும் உருப்படாமல் தான் போக போறேன் என்று முடிவே கட்டி விட்டனர். மனசு வெறுத்து பொய் வீட்டின் விருப்பபடி நான் என் சினிமா ஆசையை மூட்டை கட்டி வைத்து விட்டு வேலையில் சேர்ந்து முன்னுக்கு வந்து எதோ நல்ல பெயர் வாங்கினேன் இப்பொழுது என்னை பார்க்கும் கல்லுரி நண்பர்கள் பாரதி சரவணன் என்று பெயர் சொல்லி அழைக்கும் போது எனக்கு வெறுப்பாகி விடும் நானே மறந்துட்டேன் ஏன்டா அந்த பேரை வச்சி கூப்புடுறீங்க என்பேன் சலித்து கொண்டு

அலுவலகம்

நான் வேலைக்கு வந்த பிறகு என் பெயரை வைத்து நடந்த ஒரு சுவாரஸ்ய நிகழ்வு உங்க கிட்டே சொல்லியாகனும்
திருப்பூரில் கார்மென்ட் கம்பெனி யில் நான் மேலாளராக வேலைக்கு சேர்ந்த போது கம்பெனி முதலாளியின் தந்தை வயசானவர் தினமும் காலை வாக்கிங் வருவார் அவர் வருகிறார் என்றாலே எல்லோரும் ஓடி ஒளிவார்கள் நான் அவர் முன்னே சென்ற போது அவர் என்னை பார்த்து விசாரித்து விட்டு உன் பெயர் என்ன என்றார். நான் சரவணன் என்றவுடன் சரவணன் என்ற பெயர் உள்ளவங்க எல்லாம் ஒழுங்கானவன்களா இருப்பாங்க நீ அந்த பேரை காப்பாத்து என்று சொல்லி விட்டு போய் விட்டார். எல்லோர் முன்பு இப்படி சொன்னவுடன் எனக்கு ஒரு மாதிரியாகி விட்டது . நான் இப்படி சொன்னவர் மெச்ச வேண்டும் என்று முடிவு செய்து உழைத்தேன் மூன்றே மாதங்களில் நல்ல பேர் வாங்கினேன் எப்படி தெரியுமா தினமும் காலை அவர் என் அறைக்கு வந்து என்னை எழுப்பி வாக்கிங் என்னை அழைத்து கொண்டு தன் வீடு முதல் கம்பெனி உள்ளிட்ட எல்லா விசயங்களை பற்றியும் அவர் என்னோடு பகிர்ந்து கொள்வார். அந்த அளவுக்கு நெருக்கமானேன் என் கூட வேலை பார்க்கும் நபருடன் ஏற்பட்ட மனத்தாங்கலில் நான் வேலையை விட முடிவு செய்து அவரிடம் சொன்ன போது அவரும் அவர் மனைவியும் உனக்கு இங்கே என்ன கஷ்டம் ஏன் போறேன் என்கிறாய் என்று என்னை விட மறுத்தனர். நான் ஏற்கனவே சொல்லியாச்சு இனிமே எப்படி இருக்கிறது என்று சொல்லி விட்டு விடை பெற்றேன்.
அதே போல் நான் தற்போது வேலை பார்க்கும் நிறுவனத்தில் என்னை ஒரு நாளைக்கு இருபது முறையாவது என் எம்.டி. பேர் சொல்லி அழைத்து கொண்டே இருப்பார்.என்னுடன் வேலை பார்க்கும் நண்பன் சொல்வதுண்டு. அந்த பேர் வச்சிருக்கிற உன்னக்கு புண்ணியமோ இல்லையோ அந்த பேரை கூப்பிட்டு எம்.டி. நல்லா புண்ணியம் சம்பாதிக்கிறார். பணமும் நிறைய சம்பாதிக்கிறார்.என்பான். நான் சொல்வேன் என் பேரை வச்சி நல்லது நடந்தா சரி என்பேன்

வலையுலகம் வந்த போது என் பெயருடன் ஏதேனும் சேர்க்க வேண்டும் என்று நினைத்து என்ன சேர்க்கலாம் என்று அவசரத்தில் யோசித்து ஆர்.சரவணன் என்ற என் பெயருடன் என் தாயின் முதலெழுத்து வி சேர்த்து ஆர்.வி.சரவணன் என்று வைத்து கொண்டு கமெண்ட்ஸ் எழுத ஆரம்பித்தேன் பின்பு வலை தளம் தொடங்கி கதை கவிதைகள் என்று தொடர ஆரம்பித்தேன் இதன் மூலம் என் தந்தை பெயருடன் தாயின் பெயரையும் இனிசியல் ஆக சேர்த்து வைத்து கொண்டதில் எனக்கு மன நிறைவு கிடைத்தது. அந்த பெயருடன் நான் இப்பொழுது வலையுலகில் அறியபடுகிறேன் என்பதில் எனக்கு மிக்க மகிழ்ச்சி

ஆர்.வி.சரவணன்

மரகத வீணை இசைக்கும் ராகம் ....

மரகத வீணை இசைக்கும் ராகம் ....

மனம் கவர்ந்த பாடல்கள்

நம் இசை சக்கரவர்த்தி இளையராஜா அவர்களின் இசை சாரலில் நான் மகிழ்வுடன் நனைந்த பாடல்களில் ஒன்று இது.

இந்த பாடலின் படம் மரகத வீணை ஜேசுதாஸ் ,ஜானகி குரல்களில் தேன் மழை சாரலில் நனைந்ததை போன்ற ஒரு அனுபவம் இப்பாடலை கேட்கும் போது எனக்கு கிடைக்கும். அதிலும் ஜானகி அவர்களின் குரல் இனிமை இந்த பாடலில் இன்னும் மெருகேறி இருப்பது போல் ஒரு பிரமைஏற்படும்

இந்த படத்தின் இயக்குனர் கோகுல கிருஷ்ணா (பாசில் படங்களுக்கு வசனம் இவர் தான் ) இந்த படத்தில் சுரேஷ், ரேவதி நடித்திருந்தனர் படம் வெளியான ஆண்டு 1986 இதோ அந்த இசை சாரலில் நீங்களும் நனையுங்களேன்





இசை அரசர் இளையராஜாவின் இந்த இனிய இசை சாரலில் சலிப்பே இல்லாமல் மீண்டும் மீண்டும் நனைய வேண்டும் போல் தோன்றுமே

ஆர்.வி.சரவணன்

நான் என்ன சொல்றேன்னா ...

நான் என்ன சொல்றேன்னா (பல் சுவை பதிவு )

பார்த்தது

யுத்தம் செய் பார்த்தேன் காதல் காமெடி என்று எதுவும் இல்லாமல் ஒரு த்ரில்லர் படம் சேரன் அழுத்தமாய் அலட்டல் எதுவும் இல்லாமல் நன்றாக செய்திருக்கிறார் ஒரு குடும்பம் பழி வாங்கும் வித்தியாசமான கதை களன் கொண்ட இந்த படம் பற்றி மிஷ்கின் சார் படம் நல்லா பண்ணியிருக்கீங்க என்று சத்தம் செய் ய தோன்றுகிறது

படித்தது

ஒரு கிரிக்கெட் குழுவை கோடிகணக்கில் பணம் கொடுத்து விலைக்கு வாங்க கூடிய செல்வந்தர்கள் இருக்கிறார்கள் . அதே பணத்தில் பத்தில் ஒரு பங்கை கூட நாட்டு நல பணிகளுக்கு செலவு செய்ய செல்வந்தர்கள் இல்லை
(நண்பர் எனக்கு அனுப்பிய மின்னஞ்சலில் படித்தது)

கேட்டது (தொடர்ந்து கேட்பது)

மலேசியா வாசுதேவன் திரை இசை யில் தன் குரலால் நமை வசீகரித்தவர் இப்போது இல்லை என்றாலும் அவர் குரலால் நம்மிடையே வாழ்ந்து கொண்டு தான் இருக்கிறார் .அவர் பாடிய பூங்காற்று திரும்புமா நான் அடிக்கடி மனம் கஷ்டப்படும் நேரங்களில் கேட்கும் பாடல். இப்பொழுதும் கேட்கிறேன். மலேசியாவாசுதேவன் எனும் இந்த பூங்காற்று திரும்புமா ?

ஆதங்கம்

பஸ் டே என்ற பெயரில் மாணவர்களின் சந்தோச கொண்டாட்டத்தில் மற்றவருக்கு திண்டாட்டம் தான் ஏற்படுகிறது . இதை அவர்கள் கொஞ்சம் யோசிக்கலாமே .அவர்கள் சந்தோஷம் மற்றவர்களும் பார்த்து பெருமிதப்படுவதாக இருக்க வேண்டும் என்பது

அந்த மாணவ பருவத்தை கடந்தவர்களின் (எனது )ஆதங்கம்

வருத்தம்

தமிழக மீனவர்கள் சிங்கள ராணுவத்தால் சுடப்படுவது மிகவும் வருத்தமளிக்கும் விஷயம் பிழைப்பில் மண் போடுவது என்று சொல்வார்கள் இங்கே மீனவர் உயிருக்கே உலை வைக்கப்படுகிறது. மீனவர் பிழைப்புக்காக கடலில் செல்லும் போது அவர் தம் குடும்பம் நல்ல படி திரும்ப வர வேண்டும் என்று காத்திருப்பது போய், இன்று உலகில் இருக்கும் அனைத்து தமிழர் களும் மீனவர்கள் கடலுக்குள் சென்று வரும் வரை கலக்கத்துடன் காத்திருக்கிறோம்

மகிழ்ச்சி

எனது நூறாவது பதிவு ஆனந்த விகடனின் யூத் புல் விகடன் தளத்தில் குட் ப்ளாக்ஸ் பகுதியில் இடம் பெற்றிருக்கிறது விகடனின் நீண்ட நாள் வாசகனாகிய எனக்கு இது மிகுந்த மகிழ்ச்சியை அள்ளி வழங்கியிருக்கிறது

உங்களுடன் அந்த மகிழ்வை பகிர்வதில் எனக்கு போனஸ் மகிழ்ச்சி தான்

நன்றி யூத் புல் விகடன்

final punch

தூரத்தில் உள்ளதை எதிர்பார்த்து

அருகில் உள்ளதை அலட்சியம் செய்யாதே

உழைப்பே ஓய்வுக்கு திறவு கோல்

சுறுசுறுப்பே செல்வத்திற்கு திறவு கோல்

ஆர்.வி.சரவணன்

சாலையோரம்

சாலையோரம்

ரோடு இவ்வளவு கிளீனா இருந்தா நாங்க எப்படி இறை தேடறது

யாருக்காவது அக்கறை இருக்கா
இப்படி பள்ளம் இருந்தா நாங்க எப்படி பறக்கறது

அழகான கார்லே ஏறலாம் னு நினைச்சா

இவங்க கார் மேலேயே ஏறிட்டாங்கலே

நண்பர் அனுப்பிய மின்னஞ்சலில் எனை கவர்ந்த படங்கள் இவை

ஆர்.வி.சரவணன்

சில்லறை பிரச்னை

சில்லறை பிரச்னை

ஏதோ ஒரு சின்ன பிரச்னை பத்தி சொல்ல போறேன்னு தானே நினைக்கீறீங்க

அதான் இல்லை நிஜமாவே சில்லறை பற்றிய பிரச்னை தான்

இந்த என் அனுபவத்தை படிங்க

சென்ற வாரம் நான் திருமணம் ஒன்றில் கலந்து கொள்ள தஞ்சாவூர் சென்றேன் காலை ஏழு மணி பேருந்து நிலையத்தில் இறங்கியவன் ஒரு காப்பி சாப்பிட்டு விட்டு செல்லலாம் என்று நான் வழக்கமாய் செல்லும் ஹோட்டல் சென்றேன் காப்பி சாப்பிட்டு விட்டு பாக்கெட்டில் கை விட்டால் சில்லறை இல்லை நூறு ரூபாய் நோட்டாக தான் இருந்தது ஆகா சில்லறை இல்லன்னு கடுப்படிக்க போறாங்க என்று கொஞ்சம் தயக்கத்துடன் நூறு ரூபாய் நோட்டை நீட்டினேன்

கல்லாவில் இருந்தவர் சில்லறையா கொடுங்க காலை நேரம் சில்லறையில்லே என்றார் நான் பரிதாபமாய் என்கிட்டே நிஜமாவே இல்லைங்க என்றேன் அவர் ஏங்க ஏதாவது டிபன் சாப்பிட்டு விட்டு கேட்டா கொடுக்கலாம் ஒரு காப்பி சாப்பிட்டுட்டு கேட்டீங்கன்னா எப்படிங்க என்ற அவர் சலிப்புடன் சொன்னதும் எனக்கு கடுப்பாகி விட்டது ஏங்க டிபன் சாப்பிட வேண்டி இருந்தா தான் சாப்பிட முடியும் சில்லறைக்காக சாப்பிட முடியுமா என்றவுடன் அவர்சில்லறை இல்லைங்க சில்லறை கொடுங்க என்று உறுதியாக சொல்ல

நான் கோபமாய் நூறு ரூபாய் வச்சிக்குங்க சில்லறை மாத்தி கொடுத்திட்டு வாங்கிக்கிறேன் என்று வீராப்பாக சொல்லிவிட்டு வெளியில் வந்தேன்.

காலை நேரம் என்பதால் கடைகள் அவ்வளவாக திறக்கவில்லை சரி என்ன செய்வது என்று ஒரு மாத இதழ் அன்றைய நியூஸ் பேப்பர் வாங்கி கொண்டு சில்லறை கொண்டு போய் கொடுத்திட்டு நூறை வாங்கி கொண்டு கிளம்பினேன்.

அதோடு முடியலே பிரச்னை திருமணம் சென்றுவிட்டு திரும்பும் போது பத்து ரூபாய் நோட்டு ஒன்றை பேருந்தில் நான் டிக்கெட் வாங்குவதற்காக கொடுக்க கண்டக்டர் மூணு ரூபாய் சில்லறையா கொடுங்க என்றார் சில்லறை இல்லை என்றவுடன் இறங்கிடுங்க என்றார் நான் என்னங்க எல்லாரும் சில்லறை கேட்டால் நான் எங்க போறது என்று வேகத்துடன் கேட்க, அவரும் அதே டயலாக் ரீபிட் செய்து சொல்லி என்னை இறக்கி விட்டு விட்டார். வெறுத்து பொய் விட்டேன் அடுத்து வந்த பேருந்தில் ஏறி கண்டக்டரிடம் பரிதாபமாய் முகத்தை வைத்து கொண்டு டிக்கெட் கேட்க அவர் சில்லறை என்று கேட்டு நான் இல்லை என்று சொன்னவுடன் அவர் பாவப்பட்டு சில்லறை கொடுத்தார்.

இப்படியாக எனக்கு அந்த ஒரே நாளில் சில்லறை பிரச்னை பெரும் பிரச்சினையானது

இதிலே கிளைமாக்ஸ் என்ன தெரியுமா

அதே நாளில் நான் மாலை பேருந்து ஏறிய போது 3.50 டிக்கெட் க்கு ஐந்து ரூபாய் கொடுத்தேன் கண்டக்டர் 50 பைசா இருந்தா கொடுங்க என்றார் நான் நிறைய சில்லறை வைத்திருந்தேன் அதை எல்லாம் எடுத்து 50 பைசா தேடி எடுத்து நீட்ட அவர் சில்லறை தான் வச்சிருக்கீங்களே சில்லரையாவே கொடுத்துடுங்க என்று கேட்டார் நான் அஸ்கு புஸ்கு என்று (மனதிற்குள் தாங்க சொல்லி கொண்டு) இந்த சில்லறை இல்லன்னு தான் காலையிலே என்னை பேருந்தை விட்டே இறக்கி விட்டுட்டாங்க சார் என்றேன் .அவர் என்னை ஒரு பார்வை பார்த்த வாறே சென்று விட்டார்

அதனாலே இப்ப நான் வெளியில் கிளம்புறப்ப சில்லரையோட தான் கிளம்புறது

ஆர்.வி.சரவணன்

உன் கொலுசொலி .....

உன் கொலுசொலி .....

அன்பே உன் வீட்டு வாசலிலும் சன்னலிலும்

பால்கனியிலும் மொட்டை மாடியிலும்

உனை தேடி சலித்த என்னை சமாதானப்படுத்தியது

உன் கொலுசொலி

உன் காற் சதங்கையிடம் கொஞ்சம் சொல்லி வை எனை

எப்போதும் கிறக்கத்தில் வைத்திருப்பதை

வாடிக்கையாய் கொண்டிருக்கிறது

ஆயிரம் இரைச்சல்கள் அன்றாடம் எனை புயலாய் சூழ்ந்தாலும்

உன் கொலுசொலி மட்டும் அவற்றுக்கிடையே

புகுந்து புறப்பட்டு எனை தென்றலாய் வந்தடைகிறது

உன் கொலுசுக்கு மட்டும் ஏனிந்த பாரபட்சம்

நான் கைகளில் வாங்கி வரும் போது எழுப்பாத

இன்ப அதிர்வுகளை எல்லாம் உன் பாதங்களில்

நீ அணிந்தவுடன் மட்டும் ஏற்படுத்துகிறதே


ஆர்.வி.சரவணன்

காதலர் தினம்

காதலர் தினம்

காதலர் தினத்திற்காக ஒரு அசத்தலான கவிதை ஒன்றை எழுதி மனைவிக்கு கொடுக்கலாமே என்று யோசனை வர பேப்பர் பேனா எடுத்துக் கொண்டு அமரும் வேளையில்

என் பெண் அப்பா என் ஸ்கூல் டிரஸ் அயர்ன் பண்ணி கொடுங்கப்பா

என்று கையை பிடித்து இழுக்க நான் பெண்ணை சமாதானம் செய்து விட்டு அமர்ந்து எப்படி கவிதையை தொடங்கலாம் என்று யோசிக்கையில்

என் பையன் வந்து அப்பா மச...மச... னு உட்காரதிங்க என்று சொல்ல நான் முறைத்தேன். அவன், அம்மா இப்படி தான் உங்களை சொல்ல போறாங்க என்றான்.

என் நேரம்டா என்று சொல்லி விட்டு நான் எழுத ஆரம்பித்தேன்

என்னவளே என்னுள் உள்ளவளே உன் செவ்இதழ் மலர்ந்து ஒரு இனிமையான சொல் சொல்வாயா.............. என்று எழுதும் போது

என் மனைவி வந்து என்ன கிறுக்கறீங்க என்று சொன்னாள். உனக்கு காதலர் தினத்தில் கொடுப்பதற்கு என் அன்பை சொல்ல கவிதை எழுதி கொண்டிருகின்றேன் என்று சொன்னேன் சமயலறையில் பத்து பாத்திரங்கள் கிடக்கு அதை கொஞ்சம் கிளீன் பண்ணி கொடுங்க அது தான் நீங்க எனக்கு கொடுக்கிற அன்பு கவிதை மண்ணாங்கட்டி எல்லாம் வேண்டாம் என்று சொல்ல

நான் கழுதைக்கு தெரியுமா கவிதை வாசனை சீ கற்பூர வாசனை என்று முணுமுணுத்தேன் என்னையா கழுதைன்னு சொல்றீங்க என்று அவள் எகிற

நான் வாய் தவறி வந்துட்டுது என்று சமாதானம் பேச அவள் எப்படி சொல்லலாம் என்று கோபப்பட நானும் டென்ஷன் ஆகி கோபப்பட

இருவரும் சர்ச்சையில் இறங்க அந்த நேரம் மின் விசிறியை

எங்கள் பையன்,பெண் ஆன் செய்ய நான் கவிதை எழுதிய பேப்பர் பறந்து சென்று விழுந்த இடம் குப்பை தொட்டி

பின் குறிப்பு

இது என் அனுபவமல்ல இயந்திர வாழ்க்கையில் அன்பு என்ற அவசியம் அனாவசியமாகி விட்டது என்பதை யோசித்ததின் விளைவு இந்த சிறுகதை

அனைவருக்கும் காதலர் தின வாழ்த்துக்கள்

ஆர்.வி.சரவணன்

நூறாவது பதிவு

நூறாவது பதிவு

வணக்கம் நண்பர்களே

சென்ற வருடம் மார்ச் மாதம் வலைத்தளம் ஒன்று ஆரம்பிக்கலாமே என்று குடந்தையூர் தளம் நான் ஆரம்பித்த போது கண்டிப்பாக நினைக்கவில்லை ஒரு வருடத்திற்குள் நூறை எட்டுவேன் என்று.

மேலும் நான் குடந்தையூர் தளம் ஆரம்பித்த போது எனக்கு வலையுலகில் தெரிந்த நண்பர்கள் என்வழி வினோ, கிரி ப்ளாக் கிரி,எப்பூடி ஜீவதர்ஷன் என்ற இவர்கள் மூவர் மட்டுமே நான் இடுகைகளை வெளியிட ஆரம்பித்த போது கமெண்ட்ஸ் அவ்வளவாக வராது (எப்படி வரும் நான் ஆரம்பித்தது யாருக்கு தெரியும் )

ஆளில்லாத கடையில் யாருக்குடா டீ

ஆத்தறே என்று விவேக் சொல்வது போல் நாம் பாட்டுக்கு எழுதுகிறோமே யாரும் படிக்கவில்லையே என்று நினைத்தேன் .

பின் நான் இடுகைகளை எழுதி கொண்டே ஒவ்வொரு நண்பர்களின் தளமாக சென்று படித்து கமெண்ட் போட்டு கூடவே நண்பராய் அறிமுகமாகி கொண்டிருந்தேன் .அவர்களும் என்னை பற்றி தெரிந்து கொண்டு என் தளத்திற்கு வருகை தந்து என் இடுகைகளை படித்து பின்னுட்டம் இட்டு என்னை ஊக்கப்படுத்தினர் இதனால் எனக்கு, புதிய சிந்தனைகளுடன் மேலும் மேலும் புதிய இடுகைகளை எழுத முடிந்தது இதோ இன்று நூறை தொட்டிருக்கிறேன் .

இந்த நூறு இடுகைகளில் எவை சிறப்பானது என்பதை நீங்கள் தான் சொல்ல வேண்டும் . இந்த நூறை நான் எட்டியிருப்பது உங்களின் ஊக்கத்தால் மட்டுமே இது சாத்தியமாயிற்று என்பதில் எந்த மாற்று கருத்தும் எனக்கு இல்லை

மேலும் வலைத்தளம் என்ற வானில் நானும் ஒரு சிறு நட்சத்திரமாக மின்ன ஆசைப்பட்டேன் அப்படி நான் மின்னியிருந்தாலும் அதன் ஒளி நீங்கள் கொடுத்து கொண்டிருப்பது தான் என்பதிலும் எனக்கு எந்த மாற்று கருத்தும் இல்லை

இன்று எனக்கு வினோ ,கிரி, எப்பூடி, சங்கவி, சைவ கொத்து பரோட்டா, ஜெய்லானி, நிஜாமுதீன் , அகமதுஇர்ஷாத்,நாடோடி,குமார்,பாலா,அரசன்,வானதி, பிரியா, ஆனந்தி, சுசி, ஈரோடு கதிர், க.பாலாசி, மதுமிதா, பவி,பத்மா, ஆரூரன், வெறும்பய ஜெயந்த், மங்குனி அமைச்சர், மாணவன், கலையன்பன், அனைவரும் என் நண்பர்கள் எனும் போது எனக்கு பெருமையாக உள்ளது மேலும் பல நண்பர்களும் இருக்கிறார்கள் (விடுபட்டவர்கள் மன்னிக்கவும்) உங்கள் அனைவருக்கும் நன்றி

மேலும் வலைச்சரம் தளத்தில் என் இடுகைகளை பற்றியும் என் தளத்தை பற்றியும் குறிப்பிட்டு எழுதிய வலை தள நண்பர்களுக்கும் சீனா அய்யா அவர்களுக்கும்என் நன்றி

மேலும் எனது தளத்தையும் என் இடுகைகளையும் வெளியிட்டு

பிரபலமாக்கிய இன்டலி ,தமிழ்மணம் தளங்களுக்

கும் என் நன்றி

நூறாவது பதிவுக்காக என் மகன் ஹர்ஷவர்தன் வரைந்த விநாயகர் ஓவியம் இதோ

நான் மென் மேலும் வளர்வது உங்கள் ஆதரவில் தான் நன்றி நண்பர்களே

படத்தில் இருப்பது நான் தான்

ஈரோடு சங்கமம் விழாவில் எடுக்கப்பட்டது

நன்றி ஈரோடு கதிர்

நன்றி மறவாத நல்ல மனம் போதும் என்றும் அதுவே என் மூலதனம் ஆகும்

அன்புடன்
ஆர்.வி.சரவணன்

பல் சுவை பதிவு

பல் சுவை பதிவு

பார்த்தது

ஆடுகளம் படம் பார்த்தேன் (என்ன இவ்வளவு லேட்டா சொல்றே அப்படிங்கறீங்களா என்ன செய்வது கொஞ்சம் பிஸி படம் உடனே போக முடியலே ) வெற்றி மாறனின் பொல்லாதவன் படம் பார்த்து விட்டு ஆடுகளம் படத்தின் மேல் கொஞ்சம் எதிர்பார்ப்புடன் இருந்தேன் வெற்றி மாறன் பெயருக்கேற்றார் போல் வெற்றி களம் கண்டிருக்கிறார் படத்தில் தனுஷ் மிக இயல்பாக நடித்திருக்கிறார் இல்லை இல்லை கருப்பு வாகவே மாறியிருக்கிறார் மற்றும் ஜி வி பிரகாஷ் இசையில் யாத்தே பாடல் விசிலடிக்க தோன்றியது வாழ்த்துக்கள் தனுஷ் ,வெற்றிமாறன்

படித்தது

பொன்னியின் செல்வனின் ரசிகன் நான் எத்தனைமுறை படித்தாலும் அலுக்காத கல்கி அவர்களின் இந்த கலை பொக்கிஷம் இப்போது நண்பர் வினோ அவர்களின் என்வழி தளத்தில் தொடராக வந்து கொண்டிருக்கிறது இது வரை படிக்காதவர்கள் படிக்கவும் படித்தவர்கள் மீண்டும் அந்த வரலாற்றில் பயணிக்கவும் ஒரு வாய்ப்பு

http://www.envazhi.com/?p=23423

கேட்டது

நீடாமங்கலம் பேருந்து நிறுத்தத்தில் நான் நின்று கொண்டிருந்த போது பால்காரர் ஒருவர் டூ வீலரில் வந்தார் ரோடின் நடுவில் நின்று கொண்டிருந்த ஒருவரை பார்த்து அவர் சொன்னது

"தம்பி ரோடு உன்னுடையதாக இருக்கலாம் ஆனா வர்ற வண்டிங்க உன்னுடையதில்லை அதனாலே உன் நல்லதுக்கு சொல்றேன் ஓரமா நில்லுப்பா "

ஒரு வார்த்தைசொன்னாலும் சரியா தான் சொன்னாரு என்று நினைத்து கொண்டேன்

மகிழ்ந்தது (நெகிழ்ந்தது னும் சொல்லலாம்)

சென்ற வாரம் என் உறவினர் ஒருவருக்கு அறுவை சிகிச்சைக்கு A நெகடிவ் குரூப் ரத்தம் மூன்று பாட்டில் தேவைப்பட்டது

உறவினர்கள் நண்பர்கள் மூலமாகமுயன்றதில் மூவர் வந்திருந்து

ரத்த தானம் செய்தனர் அதில் ஒருவர் பெண்

ஒருவர் நேரமாகி விட்டபடியால் ஆட்டோ பிடித்து வந்து ரத்த தானம் அளித்தார்

அவர்கள் அனைவருக்கும் மனம் நெகிழ்ந்து நன்றி தெரிவித்தோம்

இது சாதாரண ஒன்று எதற்கு நன்றி எல்லாம் என்று ஒரே வார்த்தையில் சொல்லிவிட்டு சென்றனர்

FINAL PUNCH

சுதந்திரம் தருபவர் முன் அடங்கி இரு
அடக்குபவர் முன் சுதந்திரமாய் இரு

நொந்தவன் வாழ்க்கையை படிப்பினையாக எடுத்துக் கொள்

உயர்ந்தவன் வாழ்க்கையை குறிகோளாக எடுத்துக் கொள்

காலெண்டரில் ( நாட் காட்டியில்) நான் ரசித்த சில வரிகள் இவை

ஆர்.வி.சரவணன்

ஜெய் ஹிந்த்

ஜெய் ஹிந்த்

குடியரசு தினம் அன்று பள்ளிக்கு சென்று வந்த ஹரிஷ் , ஜனனி இருவரும் வீட்டுக்கு வந்தவுடன் தன் தந்தை தாயிடம் பள்ளியில் கொடி ஏற்றியது முதல் மிட்டாய் கொடுத்தது வரை அனைத்தையும் சொல்லி மகிழ்ந்தார்கள்

அவர்கள் இருவருக்கும் ஒரு ஐடியா தோன்றியது தாங்களும் அது போல் கொடி ஏற்றுகிறோம் என்று சொல்லி தங்கள் வீட்டு தோட்டத்தில் கம்பம் நட்டு தன் தந்தை தாயிடம் அடம் பிடித்து தேசிய கொடி வாங்கி வர செய்து தனது தோழர் தோழியர்களுடன் சேர்ந்து கொடி ஏற்றி வணக்கம் தெரிவித்தார்கள் .

அனைவருக்கும் சாக்லேட் கொடுத்தார்கள் . மாலையில் கொடியை இறக்கி வீட்டில் உள்ள தங்களது புக் செல்பில் மரியாதையுடன் வைத்து கொண்டார்கள் .

தினமும் காலையில் நாம் இது போல் கொடி ஏற்றலாம் "என்றனர் தன் தோழர் தோழிகளிடம்.

மறு நாள் அதே போல் ஹரிஷ் ஜனனி இருவரும் தங்கள் நண்பர்களுடன் தேசிய கொடி ஏற்ற தயாராக, அவர்களின் தந்தையும் தாயும் அதை பார்த்து விட்டு

"டெய்லி எல்லாம் ஏற்ற கூடாது அதற்கென்று சம்பிரதாயங்கள் இருக்கு அதை ஒழுங்காக கடைபிடிக்கணும் நீங்க சின்ன பசங்க உங்களுக்கு தெரியாது சுதந்திர தினம், குடியரசு தினம் அன்னிக்கு மட்டும் நாம் கொடி ஏற்றினால் போதும் தினமும் ஏற்ற வேண்டாம் "என்றனர்

அதற்க்கு அவர்கள் முடியாது என்று மறுத்து " அப்பா அம்மா நீங்களெல்லாம் தீபாவளி பொங்கல் பண்டிகை அன்னிக்கு மட்டுமா சாமி கும்புடுறீங்க எல்லா நாளும் விளக்கேற்றி சாமி கும்பிடறீங்க இல்லியா ",

"அதே போல் தான் நாங்கள் நம் பாரத மாதாவுக்காக நம் நாட்டிற்க்காக தினமும் தேசிய கொடியேற்றி வணங்க போகிறோம்"

என்றவர்களை ஆச்சரியத்துடன் பார்த்த ஹரிஷ் ஜனனியின் தாய் தந்தை இருவரும் பெருமிதத்துடன் எழுந்து நின்று தங்கள் செல்வங்களை அன்பாய் அணைத்து அவர்கள் ஏற்றிய தேசிய கொடியை பார்த்து ஜெய் ஹிந்த் என்று உரக்க சொல்லி வணங்கினர்

அனைவருக்கும் குடியரசு தின நல் வாழ்த்துக்கள்

ஆர்.வி.சரவணன்

சில நொடி சிநேகம் ஒரு பாலோ அப்

சில நொடி சிநேகம் ஒரு பாலோ அப்

நான் ஏற்கனவே சில நொடி சிநேகம் என்ற பெயரில் ஒரு சிறுகதை எழுதியிருந்தேன். அந்த சிறுகதையின் பாலோ அப் தான் இந்த இடுகை எனவே இந்த இடுகையை படிக்கும் முன் அந்த சிறுகதையை படித்துவிடுங்கள்

http://kudanthaiyur.blogspot.com/2010/09/blog-post_18.html

அதாவது அந்த சிறுகதையில் வரும் சரவ் நான் தான்

செப்டம்பர் மாதம் ஒரு விசேஷத்தில் கலந்து கொள்ள நான் தஞ்சாவூர் செல்லும் போது நடந்தது இது. நான் அந்த நண்பருக்காக இடம் போட்டு விட்டு உட்கார்ந்து அவருக்காக காத்திருந்த போது பேருந்து கிளம்பி விட்டது நம்மளை பத்தி அவர் என்ன நினைச்சுக்க போறாரோ என்ற கவலையுடன் தஞ்சாவூர் வந்து இறங்கிய எனக்கு ஒரு ஆச்சரியம் காத்திருந்தது நான் இறங்கிய சில நொடிகளில் அடுத்து வந்து நின்ற பேருந்திலிருந்து இறங்கியவர்களில் அவரும் ஒருவர் என்னை பார்த்தவர் சார் உங்களுக்காக நான் இந்த பேருந்தில் இடம் பிடித்து அமர்ந்திருந்தேன் என்றார் அவர் .

நானும் அவருக்காக பேருந்தில் காத்திருந்தது பற்றி சொன்னேன் இருவரும் ஒருவருக்கொருவர் நன்றி தெரிவித்து கொண்டோம்

பின் அவரை ஹோட்டல் வரை கொண்டு விட்டு பின் நான் திருப்தியுடன் கிளம்பினேன்

இந்த நிகழ்வை தான் ஒரு சிறுகதையாக்கினேன் சில நொடி சிநேகம் என்ற பெயரில். இந்த இனிய நிகழ்வை உங்களுடன் பகிர்ந்து கொள்வதில் மிகுந்த மகிழ்ச்சி அடைகிறேன்

படம் நான் எடுத்தது

இடம் நாகப்பட்டினம் கடற்கரை

ஆர்.வி.சரவணன்

மகிழ்ச்சி பொங்கட்டும்

மகிழ்ச்சி பொங்கட்டும்

தித்திக்கும் பொங்கல் திருநாளில்

எத்திக்கும் மகிழ்ச்சி பொங்கட்டும்

அனைவரின் வாழ்வும் சிறக்கட்டும்

உழவர்களின் உள்ளங்களில் இன்பம் பெருகட்டும்

அவர் தம் இல்லங்களில் செழுமை என்றென்றும் நிறைந்திருக்கட்டும்

அனைத்து வலை பதிவு நண்பர்களுக்கும்

என் இனிய பொங்கல் நல் வாழ்த்துக்கள்

படம் நன்றி கூகிள்

ஆர்.வி.சரவணன்

சென்னை புத்தக காட்சி

சென்னை புத்தக காட்சி

நான் ஒரு புத்தக பிரியன் நான் மட்டுமல்ல என் வீட்டில் அனைவருமே

புத்தக பிரியர்கள் அம்மா, மனைவி,சித்தி ,மாமா, அத்தை , தம்பி, தங்கை என்று வீட்டில் எல்லோரும் புத்தகம் படிப்பவர்கள்

குமுதம் ஆனந்தவிகடன் போன்ற வார இதழ்களாகட்டும் மாத இதழ்களாகட்டும்

வீட்டிக்கு பேப்பர்ஆள் கொண்டு வந்து போடும் போது அதை படிக்க வீட்டில்

சின்ன ரகளையேநடக்கும்

எனக்கு புத்தகம் படிக்கும் பழக்கம் பதினான்கு வயதில் ஏற்பட்டது

அன்றிலிருந்துஇன்று வரை அது தொடர்ந்து கொண்டு இருக்கிறது

நான் படிக்கும் வயதில் என்னை படிப்பு கெட்டுடும் எனவே படிக்க கூடாது

என்றுதடை விதித்தார்கள் நான் மீறி வீட்டுக்கு தெரியாமல் படித்து திட்டு வாங்குவேன்

வேலைக்கு சேர்ந்தவுடன் என் சம்பாத்தியத்தில் புத்தகங்கள் வாங்க

ஆரம்பித்தேன் நுலகத்தில் சேர்ந்து உறுப்பினரானேன்

வாரம் ஒரு முறையேனும்நுலகம் சென்று படிப்பேன்

ஏதேனும் சொந்தகாரர் வீட்டுக்கு

சென்றால் கூடஉடனே அங்கிருக்கும் புத்தகங்களை புரட்ட

ஆரம்பித்து விடுவேன் பண்டிகை நாட்களில் வார மாத இதழ்கள்

பெரும்பாலும் வாங்கி விடுவேன்

படிக்க ஆரம்பித்து விட்டால் உலகையே மறந்து விடுவேன்

வார இதழ்களில்பிடித்த பக்கங்களை எடுத்து சேர்த்து புத்தகமாக்கி

சேகரிக்கும் பழக்கமும் இருந்துவருகிறது

பொன்னியின் செல்வன், தியாகபூமி, சிவகாமியின் சபதம் , பார்த்திபன் கனவு, தெய்வீகம், சமையல் , உடல்நலம், சுற்றுலா, என்று முடிந்தவரை சேர்த்து பைண்ட் செய்து வைத்திருக்கிறேன்

அப்படிப்பட்ட எனக்கு அனைத்து புத்தகங்களும் ஒரே இடத்தில

எனும் போது விடுவேனா

புத்தக கண்காட்சி பற்றி தான் சொல்கிறேன் வருடாவருடம் கண்காட்சி

சென்றுஎன் பொருளாதாரத்திற்கு ஏற்ப புத்தகங்களை வாங்கி விடுவேன்

தனியாகஒருமுறையும் மனைவி, மகன் ,மகள் என்று குடும்பத்துடன் அழைத்து கொண்டுஒரு முறையும் செல்வேன். எப்படியும் நான் குறைந்தது நான்கு மணி நேராமாவது அங்கே செலவிடுவேன்

இதோ இந்த வருடமும் புத்தக திருவிழா தொடங்கிவிட்டது

நேற்று அலுவலக நண்பருடன் சென்றிருந்தேன் டயமாகி விட்டதால் இரண்டு மணி நேரம் தான் இருக்க முடிந்தது இன்னும் ஒரு வாரம் இருக்கே மீண்டும் போகலாம் என்றிருக்கிறேன் நேற்று சுஜாதா அவர்களின் நாவல்கள் வாங்கினேன்

இது வரை வாங்கிய நூல்களில் சில

ராஜபேரிகை,கன்னிமாடம், யவன ராணி ,அலை ஓசை, ரத்தம் ஒரே நிறம்,மன்னன் மகள் , வந்தார்கள் வென்றார்கள் மற்றும் சுஜாதா பட்டுகோட்டை பிரபாகர், பாலகுமாரன் ,எழுதிய நாவல்கள்

என் நண்பர்கள் சிலர் ஏண்டா இப்படி புத்தகம் புத்தகம் என்று அலைகின்றாய் என்பார்கள் அவர்களுக்கு நான் சொன்னது

எனது பள்ளி கல்லுரி படிப்பில் நான் கற்றதை விட நான் படித்த புத்தகங்கள் தான் என் வாழ்க்கையை நான் சரியான முறையில் அமைத்து கொள்ளவும் நான் வாழ்க்கையில் முன்னுக்கு வரவும் உதவியது

நான் படித்த புத்தகங்கள் தான் ஒரு ஆசானாய் இருந்து என்னையும் பதிவுலகில் சில படைப்புகளை எழுத வைத்திருக்கிறது என்று சொன்னேன்

என்ன நான் சொன்னது சரிதானே

சென்னை புத்தக காட்சி எனும் இத் திருவிழா நமக்கான ஒரு விழா

ஆர்.வி.சரவணன்