நீ கண்டும் காணாது சென்றாலும் ......

கமல் பட பெயர்களை கொண்டு காதல் கவிதை ஒன்று முயற்சித்திருக்கிறேன் எப்படி இருக்கு என்பதை சொல்லுங்கள்

நீ கண்டும் காணாது சென்றாலும் ......

அன்பே

மகளிர் மட்டும் பேருந்தில் தினம் வந்து இறங்குகிறாய் நீ

பேருந்து நிறுத்தத்தில் ஒரு புன்னகை மன்னனாய் நிற்கிறேன் நான்

நீ கண்டும் காணாது சென்றாலும்

என் வாழ்வே மாயம் ஆகி விடும் என்றாலும்

உனை வைத்து என் இளமை ஊஞ்சலாடி கொண்டு தானிருக்கிறது

உனை பற்றி நினைத்தாலே இனிக்கும் எப்போதும்

என் கையில் சிகப்பு ரோஜாக்கள் இதோ இப்போதும்

என் காதலை சொல்ல தான் நினைக்கிறன்

மூன்று முடிச்சிட்டு உன் நாயகன் நானே ஆக வேண்டும் என்று துடிக்கிறேன்

சொன்னால் மறுப்பாயா

இல்லை காதலா காதலா என்று ஏற்பாயா

மனது ஆடுகிறது ஆடு புலி ஆட்டம்

இப்படியே தொடர்கையில்

இன்றும் வந்து இறங்குகிறாய் நீ

என் ராஜ பார்வை உன் மீது

எனை நோக்கி வருகிறாய்

மனதுக்குள் டிக் டிக் டிக்

எனை நெருங்குகிறாய்

எல்லாம் இன்ப மயம் ஆனது எனக்கு

உன் கரங்களால் நீட்டுகிறாய் திருமண அழைப்பிதழ்

பெற்றோர் நிச்சயித்த பையனோடு திருமணம்

வர வேண்டும் என்று வார்த்தைகளில் வைத்தாய் கண்டிப்பை

என் காதல் அலை வரிசைக்கு கொடுத்தாய் துண்டிப்பை

அந்த ஒரு நிமிடம் என் இதயம் எரிமலையாய் வெடித்தது

அதற்கு துணை நின்று என் கண்கள் கண்ணீரை வடித்தது

நான் உயர்ந்த உள்ளத்தோடு

என் சந்தோசங்கள் அனைத்தும் உனக்கே வாய்க்கட்டும்

என்று உளமார வாழ்த்திட்டேன்

இதையே என் காதல் பரிசாக அளித்திட்டேன்

ஆர். வி .சரவணன்