எனக்கு பிடித்த பத்து படங்கள் தொடர் பதிவு

எனக்கு பிடித்த பத்து படங்கள் தொடர் பதிவுக்கு அழைத்த
சைவ கொத்து பரோட்டா அவர்களுக்கு நன்றி

எனக்கு பிடித்த படங்களில் பத்து படங்களை
இங்கே தொகுத்திருக்கிறேன்

புது வசந்தம்

டைரக்டர் விக்ரமன் இயக்கிய முதல் படமான இது ஆணும் பெண்ணும் நண்பர்களாக தொடர்ந்து பழக முடியும் என்பதை அருமையை சொன்ன இந்த படம் எனக்கு பிடித்த படம்ராஜ்குமார் இசையும் படத்திற்கு ஒரு பிளஸ்

பாயிண்ட்

ரமணா

இந்த படத்தின் திரைக்கதை என்னை பிரமிக்க வைத்தது vijaykandh இந்த படத்தில் வசனம் அதிகமில்லாமல் அமைதியாக கலக்கியிருந்தார் இந்த படத்தின் கிளைமாக்ஸ் என்னை மிகவும் கவர்ந்தது

எதிர்நீச்சல்

நாகேஷ் அவர்கள் கதாநாயகனாக நடித்திருந்த இந்த படம் பல குடும்பங்கள் வசிக்கும் ஒரு காலனியில் நடைபெறும் இந்த கதை எல்லோருக்கும் வேலை பார்த்து விட்டு படித்து முன்னுக்கு வரும் ஒரு ஆணின் கதை அடுத்தாத்து அம்புஜத்தை ,வெற்றி வேண்டுமா போட்டு பாரடா எதிர் பாடல்கள் இந்த படத்தில் மிக பிரபலம் k. பாலச்சந்தர் இயக்கிய படங்களில் எனக்கு பிடித்த ஒன்று

குடியிருந்த கோயில்

மக்கள் திலகம் எம் ஜி ஆர் இரு வேடங்களில் நடித்து வெளி வந்தஇந்த படம் எனக்கு மிகவும் பிடிக்கும் பாடல்கள் அத்தனையும் சூப்பர் ஹிட் துள்ளுவதோ இளமை ,ஆடலுடன் பாடலை கேட்டு மனதை மயக்கும் பாடல்கள்

கர்ணன்

நடிகர் திலகம் சிவாஜி கர்ணனாக நடித்து வெளி வந்த இந்த புராண காலத்து

படம் எனக்கு ரொம்ப பிடிக்கும் கிருஷ்ணனாக நடித்திருந்த ராம ராவ் வெகு பொருத்தம் சிவாஜி அவர்கள் கர்ணனாகவே இந்த படத்தில் வாழ்ந்திருந்தார்

பாடல்களின் வெற்றியை சொல்லவும் வேண்டுமா

பதினாறு வயதினிலே

பாரதிராஜா இயக்கிய முதல் படம் ரஜினி ,கமல் ,ஸ்ரீதேவி அந்தந்த கேரக்டராகவே மாறியிருந்த இந்த படம் இயல்பான கிராமத்தை நம் கண் முன் கொண்டு வந்து நிறுத்தியிருந்தது இளையராஜா வின் பாடல்களும் படத்திற்கு ஒரு பலம்

தளபதி

ரஜினி, மம்முட்டி,ஷோபனா நடித்த இந்த படம் இயக்கியது மணி ரத்னம் மகாபாரத கதபதிரங்களை கொண்டு நவீன யுகத்தில் இப்படி ஒரு படம் செய்ய முடியுமா என்று என்னை வியக்க வைக்கும் இந்த படம் நான் எப்போது பார்த்தாலும் இளையராஜா வின் இசையில் பாடல்கள் எப்பொழுது கேட்டாலும் மயக்க வைக்கும்

அந்த ஏழு நாட்கள்

இந்த படத்தின் திரைக்கதை என்னை வியக்க வைத்த ஒன்று பாக்யராஜ் அவர்களின் பாலக்காட்டு மாதவன் நடிப்பும் படத்தின் வசனங்களும் படத்திற்கு பிளஸ் பாயிண்ட் கிளைமாக்ஸ் என்னை மிகவும் கவர்ந்தது

ஆண் பாவம்
இந்த படம் ஆரம்பித்திலிருந்து கடைசி வரை காமெடி தான்
பாண்டியராஜன் இயக்கிய இந்த படத்தில் அவரும் நடித்திருந்தார்
இளையராஜா இசையில் காதல் கசக்குதையா , குயிலே குயிலே பாடல்களும் வெகு பிரபலம் இந்த படம் முறை பார்த்தாலும் அலுக்காது

பசங்க

சமீபமாய் வந்த இந்த படம் என்னை மிகவும் கவர்ந்தது முழுக்க முழுக்க சிறுவர் சிறுமியரை கொண்டு பள்ளி வாழ்க்கையை மையமாய் வைத்து அதில் காதலர்களையும் சேர்த்து பண்ண முடியமா என்று என்னை வியக்க வைத்த அறிமுக இயக்குனர் பாண்டி ராஜ் இந்த படம் எனக்கு சலிக்காத படம்

தொடர் பதிவுக்கு அழைத்த அனைவருக்கும் நன்றி