உன் கொலுசொலி .....

உன் கொலுசொலி .....

அன்பே உன் வீட்டு வாசலிலும் சன்னலிலும்

பால்கனியிலும் மொட்டை மாடியிலும்

உனை தேடி சலித்த என்னை சமாதானப்படுத்தியது

உன் கொலுசொலி

உன் காற் சதங்கையிடம் கொஞ்சம் சொல்லி வை எனை

எப்போதும் கிறக்கத்தில் வைத்திருப்பதை

வாடிக்கையாய் கொண்டிருக்கிறது

ஆயிரம் இரைச்சல்கள் அன்றாடம் எனை புயலாய் சூழ்ந்தாலும்

உன் கொலுசொலி மட்டும் அவற்றுக்கிடையே

புகுந்து புறப்பட்டு எனை தென்றலாய் வந்தடைகிறது

உன் கொலுசுக்கு மட்டும் ஏனிந்த பாரபட்சம்

நான் கைகளில் வாங்கி வரும் போது எழுப்பாத

இன்ப அதிர்வுகளை எல்லாம் உன் பாதங்களில்

நீ அணிந்தவுடன் மட்டும் ஏற்படுத்துகிறதே


ஆர்.வி.சரவணன்